Suela vjen nga një sfond profesional në punën sociale dhe përfshirjen sociale, me një eksperiencë në mbështetjen e fëmijëve me aftësi ndryshe. Ka përfunduar studimet për Punë Sociale (Bachelor) dhe një Master Shkencor për Barazi Gjinore dhe Zhvillim, duke u fokusuar te çështjet e drejtësisë dhe integrimit social.

Gjatë përvojës time si punonjëse e shërbimit psiko-social dhe mësuese mbështetëse për fëmijët me aftësi ndryshe, kuptova rëndësinë e një qasjeje efektive. Kjo më nxiti të specializohem në Terapinë ABA, për të ofruar mbështetje të fokusuara dhe për të kontribuar në përmirësimin e integrimit të këtyre fëmijëve në shoqëri.

Fale dy eksperiencave të ndryshme të mia dhe partnerit tim, në këtë nismë mendoj se kemi sjellë risi dhe bashkëpunime të frytshme dhe unike në vendin tonë. Kjo na ka lejuar të krijojmë klinika moderne që ofrojnë një gamë të gjerë shërbimesh. Sot, kemi zhvilluar bashkëpunime me Don Orione dhe mjekë të specialiteteve të ndryshme, Italiane dhe jo vetëm, për të siguruar një kujdes të nivelit të lartë për pacientët tanë.

Duke u nisur nga ky përkushtim dhe pasion, ne zgjeruam angazhimin tonë për t’u ofruar mbështetje të gjithë grupeve të moshave, duke ofruar një gamë të gjerë shërbimesh shëndetësore dhe psiko-sociale. Këto përfshijnë fizioterapinë për rehabilitim dhe forcim, laboratorin për analiza dhe diagnostikim të saktë, shërbimin psikologjik për mbështetje emocionale, shëndetin mendor për trajtim dhe mbështetje, si dhe shërbime që promovojnë mirëqenien sociale dhe psiko-emocionale. Qëllimi ynë është të sigurojmë një qasje të integruar dhe të gjithëpërfshirëse në kujdesin shëndetësor për ata që kanë nevojë për mbështetje.

Si një grua në sipërmarrje dhe një nënë e tre fëmijëve, e ndjej thellësisht përgjegjësinë dhe ndjeshmërinë ndaj nevojave të familjeve dhe komunitetit. E di se rruga drejt suksesit nuk është e lehtë, por besoj se me përkushtim, vizion dhe dëshirë për të sjellë ndryshime, mund të krijojmë një shoqëri më të drejtë dhe më të ndjeshme ndaj nevojave të të gjithëve. “Umano Felice” nuk është vetëm një biznes, por një mision për të bërë diferencën në jetën e njerëzve